Kondisyon Itilizasyon — KonekteBiznis

1. Akseptasyon Kondisyon Yo

Lè ou aksede oswa itilize platfòm KonekteBiznis ("Platfòm"), ou aksepte respekte kondisyon itilizasyon sa yo ("Kondisyon"). Si ou pa aksepte yo, ou pa gen dwa itilize Platfòm nan.

KonekteBiznis se yon sèvis ki pwopriyete Konekte Group ("nou", "nou menm", "Konekte Group"). Platfòm nan disponib sou entènèt nan adrès konektebiznis.konektegroup.com.

2. Deskripsyon Sèvis la

KonekteBiznis se yon platfòm maketing enfliyans ki konekte:

• Antrepriz ak enfliyansè pou kanpay piblisite
• Enfliyansè ak biznis ki bezwen pwomosyon
• Patikilye ki vle vann yon bagay (tè, kay, machin, etc.) ak odyans enfliyansè yo

Peman fèt atravè yon sistèm kredi. $1 USD = 0.8 kredit.

3. Kalifikasyon pou Itilize Platfòm nan

Pou itilize KonekteBiznis, ou dwe:

• Gen omwen 18 an
• Gen kapasite legal pou fè kontra
• Bay enfòmasyon egzak ak konplè pandan enskripsyon
• Pa itilize platfòm nan pou aktivite ilegal

4. Kont Itilizatè

4.1 Kreyasyon Kont

Ou responsab pou tout aktivite ki fèt sou kont ou. Ou pa dwe pataje modpas ou ak pèsòn.

4.2 Tip Kont

• Kont Biznis: Pou antrepriz ak mak
• Kont Enfliyansè: Pou kreyatè konteni
• Kont Patikilye: Pou moun ki vle vann yon bagay patikilye

4.3 Fermeture Kont

Nou rezève dwa pou fèmen kont ki vyole kondisyon sa yo san avètisman.

5. Sistèm Kredit

5.1 Achte Kredit

Kredit yo achte an avans. Yo pa ekspire. Achte yo final — pa gen ranbousman sof si nou fè yon erè teknik.

5.2 Itilizasyon Kredit

• Pibliye yon kanpay: 10 kredit
• Eksport rapò: 3 kredit
• AI Matching: 2 kredit

5.3 Ranbousman

Kredit yo ranbouse sèlman si:

• Yon erè teknik sou platfòm nou an
• Yon kanpay pa kòmanse akòz yon pwoblèm sou kote nou

6. Règ pou Enfliyansè

Kòm enfliyansè sou KonekteBiznis, ou dwe:

• Bay enfòmasyon vre sou odyans ou
• Pa achte abonman fiktif oswa fo angajman
• Kreye konteni orijinal ak onèt
• Respekte brief kanpay la
• Pa aksepte peman dirèk andeyò platfòm nan pou evite frè

Enfliyansè ki vyole règ sa yo pral retire sou platfòm nan.

7. Règ pou Antrepriz

Kòm antrepriz sou KonekteBiznis, ou dwe:

• Bay enfòmasyon vre sou pwodwi/sèvis ou
• Pa mande konteni ilegal, twonpè oswa diskriminatwa
• Respekte dwa otè enfliyansè yo
• Pa kontakte enfliyansè andeyò platfòm nan pandan 6 mwa apre yon kolaborasyon

8. Konteni Entèdi

Ou pa ka pibliye, pataje oswa pwomote konteni ki:

• Ilegal nan nenpòt peyi
• Haismant, rasis, seksist oswa abizif
• Kontrè a dwa minè yo
• Fo oswa twonpè
• Vyole dwa otè oswa mak depoze

9. Dwa Pwopriyete Entèlektyèl

Tout konteni sou platfòm KonekteBiznis (logo, design, kòd, tèks) se pwopriyete Konekte Group. Ou pa ka kopye, distribye oswa modifye yo san pèmisyon ekri.

Konteni ou pibliye sou platfòm nan — ou kenbe dwa otè ou, men ou ban nou yon lisans pou affiche yo sou platfòm nan.

10. Limit Responsablite

KonekteBiznis pa responsab pou:

• Pèt komèsyal ki soti nan kanpay piblisite
• Aksyon enfliyansè endepandan yo
• Pèt done akòz entèfèrans twazyèm pati
• Entèripsyon sèvis akòz ka fòs majè

11. Rezilisyon

Nou ka sispann oswa fèmen kont ou nenpòt ki lè si:

• Ou vyole kondisyon sa yo
• Aktivite ou yo ilegal
• Ou itilize platfòm nan pou fwòd

12. Chanjman nan Kondisyon

Nou ka modifye kondisyon sa yo nenpòt ki lè. Nou ap avize ou pa imèl. Kontinye itilize platfòm nan apre chanjman = akseptasyon.

13. Lwa Aplikab

Kondisyon sa yo gouvène pa lwa Repiblik Ayiti. Tout litij pral rezoud devan tribinal konpetan an Ayiti oswa pa abitraj.

14. Kontakte Nou

Pou tout kesyon sou kondisyon sa yo:

📧 konektebiz@konektegroup.com 💬 WhatsApp: +1 (514) 552-1775 🌐 konektegroup.com